Bydd 7 Awst,10:00-4:00 yn ddiwrnod i’r brenin!

Mae Gardd Fotaneg Genedlaethol Cymru a Dysgu gyda Mamgu yn gobeithio y byddwch chi’n dod i ymuno yn hwyl y Diwrnod Neiniau a Theidiau ar 7 Awst – diwrnod o ddysgu i’r gwahanol genedlaethau.

Y nod yw sicrhau bod pob mamgu a thadcu, a’u hwyrion, yn chwarae ac yn dysgu gyda’i gilydd. Bydd llu o weithgareddau a chyfleoedd i ddysgu – hwyl i bawb o bob oed. Rhowch wybod am y digwyddiad hwn i bob mamgu a thadcu rydych chi’n eu nabod – ac mae croeso i famau a thadau hefyd!

Nod Dysgu gyda Mamgu (cwmni nid er elw rhif cofrestru 05913133) yw hybu parch rhwng y cenedlaethau; helpu i feithrin cariad at ddysgu; helpu i greu atgofion fydd yn para a chael HWYL!

Gallwch ddysgu rhagor am blanhigion yn y Gerddi Botaneg Cenedlaethol - pa blanhigion sy’n hawdd eu tyfu i blant; bydd llysieuydd lleol yn trafod y bwydydd gwyllt y gallwch eu bwyta; gallwch ddysgu sut mae creu gwesty i bryfed, a llawer mwy. Mae’r Gerddi Botaneg Cenedlaethol hefyd yn gofyn am eich help i ychwanegu at archif o feddyginiaethau llysieuol a chartref.

Bydd Valerie Wood-Gaiger MBE (un o sylfaenwyr Dysgu gyda Mamgu) yn llofnodi ei llyfrau, a bydd hi a menywod eraill sy’n neiniau yn trafod sut mae gwneud y defnydd gorau o’ch amser gydag wyrion – i drosglwyddo sgiliau – a hefyd sut gall y genhedlaeth hŷn ddysgu oddi wrth yr ifanc!

Bydd llu o weithgareddau i’r teulu eu mwynhau a dysgu gyda’i gilydd.

Turnio pren ○ Pyrograffeg ○ Dysgu sut mae gwneud Gwerthyd, Nyddu, Gweu, Crosio a Gwehyddu ○ Gwneud Barcud am ddim o Ddeunyddiau wedi’u Hailgylchu ○ Plygu papur i greu Siapau Origami ○ Cymryd rhan mewn Tasg Baentio Fawr, Gwneud Llestr, Creu Mosaig ○ Dysgu Sgiliau Syrcas ○ Dysgu sut mae gofalu am Ferlod.

○ Siopau Gwyddoniaeth Cymru – dangos bod gwyddoniaeth yn ddifyr a sut mae helpu i ofalu am ein planed ○

○ Cymryd rhan mewn Cwis Ewro ac ennill nwyddau am ddim ○ Dysgu rhagor am Fasnach Deg a phrynu crefftau lleol ○

Bydd Swynwr yn gwneud triciau hud a bydd Jyglwr yn dangos ei grefft. Gallwch ymuno â’r band Samba a dawnsio o amgylch yr ardd.

Bydd dawnsio gwerin ar gael. Bydd pobl ifanc, neiniau a theidiau yn canu caneuon ac yn difyrru â dramâu bach hwyliog.

Gallwch chi chwarae sgitls a boule, neidio ar gastell neu roi cynnig ar Gerdded Nordig. Beth am wisgo dillad Edwardaidd i gael llun henffasiwn o’ch teulu?

Bydd Cyhoeddwr Tref Llanymddyfri’n rhoi gwybod beth sy’n digwydd nesaf a, heblaw am y pethau byddwch chi’n eu prynu, bydd yr holl weithgareddau wedi eu cynnwys yn y pris mynediad.

Mae llawer o sefydliadau wedi dod at ei gilydd i ddangos sut gall yr hen a’r ifanc fwynhau gyda’i gilydd. Rydym yn ddiolchgar iddyn nhw ac i Help the Aged a Phrosiect 50+ Cyngor Sir Caerfyrddin am gefnogi’r prosiect hwn.

Dysgu gyda Mamgu (cwmni nid er elw rhif cofrestru 05913133). Noddwyr: Daphne Fowler (a ddaeth yn enwog ar Eggheads) Y Cyng Meryl Gravell (Arweinydd Cyngor Sir Caerfyrddin)).